Jupiter hevur landað í Fuglafirði

Uppsjóvarskipið Jupiter kom á Fuglafjørð fyrr í vikuni, har teir skulu landa.

Teir hava verið á makrelveiðu í føroyskum sjógvi, og hava umleið 1100 tons av makreli, sum teir skulu landa til Pelagos í Fuglafirði.

Tá ið Jupiter kom inn, vóru tað fleiri landingar, sum skuldu avgreiðast áðrenn Jupiter slapp framat.

Jupiter byrjaði at landa í gjár, og fer aftur á makrelveiðu tá ið liðugt er at landa.