Jupiter seldur til Fuglafjarðar

Framherji hevur keypt uppsjóvarskipið Jupiter, sum skal loysa av fyri Høgaberg. Hetta váttar Anfinn Olsen, reiðari, fyri jn.fo í dag.

Høgaberg er seldur til Noregs og til sama reiðarí, sum lat hann byggja í 2014.

Nýggjur Høgaberg er í ger á Karstensens skipasmiðjuni í Póllandi, og kemur til Skagen í januar 2024. Skipið skal latast reiðarínum á summrið 2024.

Reiðaríið, sum rekur Jupiter í dag, hevur keypt hetlendska Altaire, og yvirtekur eftir ætlan skipið seinni í hesum mánaðinum.