Jupiter hevur landað í Fuglafirði

Uppsjóvarskipið Jupiter hevur landað 400 tons av sild til Pelagos.

Umframt at landa til Pelagos, so fór ein lítil partur av lastini eisini til Tavuna í Leirvík.

Parturin, sum skuldi til Tavuna, bleiv pumpaður uppí bilar, og síðani koyrdur til Leirvíkar.

Jupiter hevur verið á sildaveiðu í íslendskum sjógvi, og fiskiskapurin hevur verið hampiligur.

Talan er um góða sild, sum skipini fáa, sum liggur um 380 gramm í miðal.