Katrin Jóhanna er ávegis á Vestmanna við 220 tonsum

Uppsjóvarskipið Katrin Jóhanna hevur sett kós móti Vestmanna, har teir skulu landa.

Teir vera á Vestmanna í kvøld, og hava 220 tons av makreli við til lands, sum skal landast til Vestmanna Seafood.

Katrin Jóhanna hevur roynt norðanfyri í føroyskum sjógvi og vóru teir einsamallir á feltinum, meðan hini føroysku skipini royna í altjóða sjógvi.

Tá ið liðugt er at landa, verður farið aftur á makrelveiðu.