Lítið av toski á Føroyabanka

Magnus Heinason er júst liðugur við ta árligu yvirlitstrolingina um heystið á Føroyabanka, har 29 hál á ein tíma verða tikin. Í ár vóru tó bert 17 hál tikin, skrivar Havstovan á heimasíðuni.

Í mars bendu yvirlitstrolingarnar á, at toskurin á Føroyabanka var komin fyri seg aftur.

Úrslitini nú í september vístu, harafturímóti, at nøgdin av toski var bert 24 prosent í mun til árini frá 1996 til 2003, tá nøgdirnar vóru sum fyrr í tíðini. Hinvegin var nógv til av hýsu, longu, havtasku og hvítingi í mun til onnur ár.

Magakanningarnar vístu, at tað var nógv til av smáari nebbasild men lítið til av krabbadýrum.

Magnus Heinason var úti frá 8. september til 15. september.