Makrelfiskiskapurin av álvara byrjaður

Uppsjóvarskipini Borgarin og Tummas T komu í gjár inn á ávíkavist Kollafjørð og Tvøroyri, við 1.100 og 600 tonsum.

Skipini hava verið á makrelveiðu eystanfyri í føroyskum sjógvi, og fiskiskapurin hevur verið góður.

Borgarin landar til Faroe Pelagic í Kollafirði, meðan Tummas T fór á Tvøroyri, har veiðan bleiv landað til Varðan Pelagic.

Gamli Jupiter kom á Fuglafjørð í gjárkvøldið, har teir skulu landa til Pelagos.

Hvussu nógv Gamli Jupiter hevur, vita vit ikki.