Nýggja skipið hjá strandingum á veg til Føroya

Nýggja skipið hjá M&S Strendur er á veg til Føroya.

Talan er um eitt frystilínuskip, sum er umleið somu stødd sum Kambur, sum reiðaríið átti framman undan. Kambur sakk í februar mánaða í ár.

Hvat nýggja navnið verður er ikki greitt enn, og avloysaraskipið hevur heldur ikki dragibrunn, eins og undanfarni Kambur hevði.

Veststeinen er knappar 47 metrar langt og 10 metrar breitt í mun til Kamb, sum var 45 metrar langt og 10,9 metrar breitt. Veststeinen er bygt í 1998.