Nýggjur Líðhamar ávegis í føroyska flotan

Sambært íslendsku fjølmiðlinum Aflafréttir, hevur P/F EFHO í Klaksvík, sum eigur frystilínuskipið Jákup B og útróðrarbátin Líðhamar, keypt nýggjan bát fyri 76 ára gamla Líðhamar.

Tað er glastrevjabáturin Særfi SH, úr Íslandi.

Sambært Marinetraffic er hann 14 metrar langur og 4 metrar breiður.

Nýggi Líðhamar er útgjørdur við egningamaskinu, meðan gamli hevur engt uppi á landi og hevur snellast um summarið.

Meiri verður at frætta um nýggja Líðhamar seinni.

Føroyska Sjómansmissiónin ynskir eigarunum til lukku og Guds signing við nýggja Líðhamri.