Nýtt skip keypt fyri Eysturbúgvan

Reiðaríið Vørðustíggjur í Dali hevur keypt skip fyri Eysturbúgvan sum sakk á páskum í fjør.

Kringvarpið skrivar, at tað er Mostein úr Haugesund, sum er keyptur til Føroya, og keypsprísurin er umleið 35 milliónir krónur. Hetta er áleið tað, sum reiðaríið fekk frá tryggingini fyri Eysturbúgvan.

Mostein er 45 metrar langur, og varð bygdur í 2001. Skipið er nakað størri enn Eysturbúgvin og betur útgjørt, men er ikki partrolari.

Reiðaríið yvirtekur skipið umleið 1. mars, og tað fær navnið Eysturbúgvin.

Nýggi Eysturbúgvin fer ikki at partrola saman við Vesturbúgvanum. Ætlanin er at fara at byrja við at fara á gullaksaveiðu.

Vesturbúgvin er settur til sølu, og tí er ikki óhugsandi at teir arbeiða við líknandi ætlan sum Vørðustíggjur.