Innanlands

Per á Sýnini vann sýsluformansvalið í Eysturoynni

Per á Sýnini vann valið av sýsluformansvalinum í Eysturoynni hjá Føroya Fiskimannafelag og varð afturvaldur

Per á Sýnini (Mynd: Privatmynd)

Per á Sýnini (Mynd: Privatmynd)

2023-01-31 15:48 Author image
Sverri Egholm
placeholder

Úrslitið av sýsluformansvalinum í Eysturoynni hjá Føroya Fiskimannafelag er nú greitt. Per á Sýnini vann valið, og varð afturvaldur.

Tá ið freistin at stilla upp til valið var úti, varð greitt, at tað bara vóru tvey valevni, sum bjóðaðu seg fram.

Per á Sýnini (fyrr Toftegaard) í Runavík stillaði uppaftur og Jonhard Danielsen úr Søldarfirði stillaði eisini upp til sýsluformansvalið.

Atkvøðuseðlarnir vórðu sendir út, og freistin at atkvøða var í gjár, 30. januar.

Limirnir, sum høvdu atkvøðurætt, skuldu senda atkvøðuseðlarnar inn til 

Grannskoðaravirkið NUMO, ið hevur staðið fyri uppteljingini.

Úrslitið:
90 limir hava atkvøtt

50 atkvøður fóru til Per á Sýnini  
38 atkvøður fóru til Jonhard Danielsen
2 atkvøður vóru ógildugar

Nýggja setan hjá sýsluformonnunum byrjar 1. februar 2023.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder