Polar Amaroq landar makrel í Kollafirði

Grønlendska uppsjóvarskipið Polar amaroq er komið inn við knapt 1.000 tonsum.

Polar Amaroq hevur verið á makrelveiðu, og hevur umleið 400 tons av fiskamjøli, sum skipið landaði í Fuglafirði í gjár.

Polar Amaroq fór síðani á Kollafjørð, har skipið skal landa umleið 570 tons av frystum makreli í dag.

Polar Amaroq byrjaði fiskiskapin í íslendskum sjógvi, har skipið fekk stóran og góðan makrel, men fiskiskapurin var smáligur, og tí varð avgjørt at fara í altjóða sjógv at fiska.

Grønlendsku skipini hava góðan fiskiskap í altjóða sjógvi, og skipini koma til Føroyar at landa makrelin.