Polar Amaroq landar enn einaferð í Føroyum

Grønlendska uppsjóvarskipið Polar Amaroq kom í gjár inn av makrelfeltinum.

Teir hava fiskað í altjóða sjógvi norðanfyri Føroyar, og fiskiskapurin hevur verið góður.

Teir hava bæði feskan og frystan makrel við til lands, og verður tann feski makrelurin landaður í Fuglafirði, meðan tann frysti makrelurin skal landast í Kollafirði. 

Hvat teir hava av feskum makreli vita vit ikki, men 570 tons av frystum skal landast til frystigoymslurnar í Kollafirði.

Tá ið liðugt er at landa, verður farið aftur á makrelveiðu.