Innanlands

Rigga seg nú til fiskiskap eftir gulllaksi

Partrolararnir hava júst landað, og rigga nú til at fara á gulllaksaveiðu undir Føroyum

Savnsmynd (Mynd: Kiran Jóanesarson)

Savnsmynd (Mynd: Kiran Jóanesarson)

2020-04-02 20:26 Author image
Kiran Jóanesarson
placeholder

Partrolararnir Eysturbúgvin og Vesturbúgvin landaðu fyrr í vikuni umleið 170.000 pund, har meginparturin av veiðuni var upsi. 

Teir hava havt góðan fiskiskap eystanfyri, og parið landaði veiðuna í Havn.

Tá ið liðugt var at landa, fór Vesturbúgvin á Vestmanna og Eysturbúgvin liggur framvegis á Havnini. Skipini fara nú at rigga seg til at fara á gulllaksaveiðu undir Føroyum.

- Vit skulu gera okkurt smáarbeiði á Havnini áðrenn vit fara aftur til fiskiskap, og tá fara vit á gulllaksaveiðu, upplýsir Bjarki Magnussen, reiðari á Eysturbúgvanum.

Skipini hava havt góðan fiskiskap eftir upsa í ár, og tí byrjar gulllaksafiskiskapurin heldur seinni enn vanligt.

- Um alt gongst eftir vild, so verður farið til fiskiskap beint áðrenn páskir, upplýsir Bjarki Magnussen, reiðari á Eysturbúgvanum. 

placeholder
placeholder