Ruth í dokk í Skagen

Danska uppsjóvarskipið Ruth úr Hirtshals, sum Gullak Madsen eigur, liggur í løtuni í Skagen.

Upplýst verður, at talan er um ymiskt viðlíkahaldsarbeiði, sum verður gjørt, og at Ruth hevur verið í Skagen í ein mánaða.

Umframt viðlíkahaldsarbeiði, sum verður gjørt so er tað eisini ymiskt eftirlit, ið skal gerast við skipið, og arbeiðið verður væntandi liðugt í vikuni. Síðani verður riggað til at fara á sildaveiðu.

Ruth hevur tíðina áðrenn skipið fór í dokk í Skagen, fiskað nebbasild.