Kiran Jóanesarson
Vit skrivaðu fyrr í dag um at partrolararnir Topas og Sardis eru seldir til eitt felag í Albania.
Hans Andrias Keldurberg, fyrrverandi reiðari, váttar at skipin eru seld.
- Skipini eru ikki longur heimahoyrandi í Føroyum, men eru nú flaggaði í Albania.
Topas og Sardis skifta nú navn til Razafa 21 og Razafa 22, og vera heimahoyrandi í albanska býnum Durres.
Skipini skulu uppá beding í Danmark, har botnurin skal reinsast, og síðan fara skipini til Albania, har tey skulu umbyggjast.
- Skipini skulu umbyggjast, og síðan fiska rækjur og partrola eftir uppsjóvarfiski, upplýsir Hans Andrias, fyrrverandi reiðari á parinum, sum nú er selt til Albania.
Hans Andrias, sum er reiðari í Thor samtakinum, sigur til endans, at tað er ikki endaliga avgjørt, um nýggj skip verða keyp fyri Topas og Sardis.
Vinarliga broyt tínar kennifíla - og privatlívsstillingar fyri at síggja hetta innihald