Innanlands

Tróndur í Gøtu skal landa svartkjaft á Tvøroyri

Føroysku skipini eru givin at fiska svartkjaft í føroyskum sjógvi

Savnsmynd (Mynd: Reiðar Simonsen)

Savnsmynd (Mynd: Reiðar Simonsen)

2019-02-12 11:17 Author image
Kiran Jóanesarson

Uppsjóvarskipið Tróndur í Gøtu verður á Tvøroyri fyrrapartin við svartkjafti, sum skal landast til Varðan Pelagic.

Tróndur í Gøtu hevur umleið 800 tons av svartkjafti, sum teir skulu landa til Varðin Pelagic. Teir hava fiskað í ES-sjógvi, og fiskiskapurin hevur verið hampiligur.

Seinastu tíðina eru uppsjóvarskipini farin at landa svartkjaft til hini uppsjóvarvirkini í Føroyum, Pelagos og Varðin Pelagic.

Í síðstu viku landaðu Jupiter og Finnur Fríði svartkjaft til Varðin Pelagic, og um vikuskiftið landaði Høgaberg svartkjaft til Pelagos.

Skipini hava sum oftast landa allan svartkjaftin til Havsbrún í Fuglafirði.

Fiskiskapurin eftir svartkjafti í føroyskum sjógvi hevur verið sera smáligur seinastu tíðina, og skipini eru tí farin longur suður at royna.