Tvey norsk skip landa svartkjaft í Fuglafirði

Talan er um norsku skipini Harald Johan og Havskjer, sum skulu landa 1600 og 2600 tons av svartkjafti.

Skipini hava fiskað svartkjaft vestanfyri Írland hendan túrin.

Flestu føroysku svartkjaftaskipini liggja. Einastu føroysku skipini á feltinum í løtuni eru Finnur Fríði, Christian í Grótinum og Borgarin.

Hjá Havsbrún verður svartkjafturin framleiddur til mjøl og lýsi, og síðani til fóður.