2.700 tons av sild landast til Varðan Pelagic

Føroysku uppsjóvarskipini hava seinastu tíðina havt góðan fiskiskap eftir sild í íslendskum sjógvi.

Tróndur í Gøtu fór í gjár av Runavík á Tvøroyri, har skipið skal landa sild, og tá ið Tróndur í Gøtu hevur landað, skal Finnur Fríði landa eina last.

Finnur Fríði bíða eftir landingartørnið á Havnini í løtuni.

Nógv virksemið hevur verið hjá Varðanum Pelagic seinastu tíðina. Arctic Voyager hevur eisini júst landað eina nøgd av sild til virkið.