Fiskikapping og stórt vatnkríggj í Klaksvík

Sjómannadagurin verður í morgin, men longu í kvøld verða fleiri tiltøk á skránni.

Klokkan 17 er fiskikapping á Kósabrúnni fyru øll børn. Børnini skulu sjálvi hava tráðu og bjargingarvest við.

Heitt verður á øll at møta í góðari tíð.

Klokkan 18 verður stóra vatnkríggið á vágni millum bátar og skip umframt á keiøkinum á vestursíðuni.

Skip og bátar leggja at á Kósabryggjuni og her sleppa fólk umborð.

Siglt verður í ring inni á vágni, og kríggið endar, tá sjóverjuskipið Brimil blæsir tríggjar ferðir við stóra skipslúðrinum.

Á vestursíðuni frammanfyri Northern Fish Cold Storage, er stórt vatnkríggj á landi fyri børn og vaksin, sum ikki ynskja at verða umborð á bátunum. Sjórænarar vitja.

Síggj alla skránna fyri Sjómannadagin her