Heimsins størsta ferðamannaskip farið í sigling

Icon of the Seas, heimsins størsta ferðamannaskip, er farið á sína jomfrúferð úr Miami, Florida.

Henda fyrsta ferðin er í eina viku í Karibisku oyggjunum.

Umborð á 365 metrar langa skipinum ber væl til at fáa dagarnar at ganga. Á teimum 20 dekkunum umborð eru 40 matstovur, barrir og salongir umframt sjey svimjihylar og seks vatnrussjibanar.

Icon of the Seas hevur kømur til 7.600 ferðafólk. Arbeiðið at smíða skipið byrjaði í juni 2021. Kostnaðurin er 12 milliardir krónur.