Safir fær eisini eyðkendu litirnar hjá JFK samtakinum

Trolarin Safir, sum JFK samtakið í Klaksvík eigur, stendur í løtuni á Klaksvíkar Sleipistøð.

Skipið verður málað, og fær nú litirnar, sum JFK samtakið brúkar til øll síni skip.

Safir hevur seinastu mongu árini havt heimstað í Klaksvík, og hevur partrolað við Smaragd, men fyri tíð síðan varð Smaragd lagdur, og partrola Safir nú við systurskipinum Grønanes úr Vestmanna.

Safir er bygdur á Tórshavnar Skipasmiðju í 1984, og hevur havt nøvnini Føstuvarði og Safir.

Skipið hevur havt heimstað í Miðvági, Saltangará, Tórshavn og síðani í Klaksvík.

Les eisini: Grønanes fær eyðkenda litin hjá JFK samtakinum