Smyril Line keypir enn eitt farmaskip

Smyril Line hevur keypt RoRo-farmaskipið “Seagard” frá finska reiðarínum, Bore Ltd.

Skipið verður handað Smyril Line í Hirtshals í fyrstu viku í januar 2024, og verður navngivið Glyvursnes.

Skipið varð bygt á skipasmiðjuna, Sietas, í Týsklandi í 1999. Tað er 153,5 metrar langt og 20,6 metrar breitt.

Glyvursnes verður sett í regluliga sigling á rutuni, sum “Mistral” røkjur í dag. Tvs. millum Tórshavn, Þórlakshöfn og Hirtshals.

Tá ið Glyvursnes kemur afturat, eigur Smyril Line øll seks skipini í flotanum.